செம்புலப்பெயனீர்

-

 தமிழ் இலக்கியத்தினைப் படித்தவர்கள் அறிந்திருக்கலாம், காதலைப் பாடும் தமிழ்ச் செய்யுள்களின் போதையினை. . . .


மனதைத்திருடிப்போகும் அவ்வாறான செய்யுள்களில் இன்றளவும் என் மனதளவில் முதலிடத்தில் நிற்கும் பாடல்...


"யாயும் ஞாயும் யாராகியரோ?

 எந்தையும் நுந்தையும் எம்முறைக் கேளிர்?

 யானும் நீயும் எவ்வழி யறிதும்?

 செம்புலப் பெயனீர் போல

 அன்புடை நெஞ்சம் தாங்கலந் தனவே"


குறுந்தொகையின் 40 வது பாடல் இது.


தலைவன் பிரிந்து போய்விடுவானோ என்று சஞ்சலப்படும் தலைவியினை தேற்றுவதற்காகத் தலைவன் பாடுவது போல எழுதப்பட்ட பாடல். 


என் தாயும் உன் தாயும் எவ்வாறு உறவினர்?.... என் தந்தையும் உன் தந்தையும் எந்த முறையில் உறவினர்கள்? நீயும் நானும் ஒருவரையொருவர் எவ்வாறு அறிந்து கொண்டோம்? செம்மண்ணில் கலந்த மழை நீரினைப்போல நமது அன்பு நெஞ்சங்கள் கலந்துள்ளன.


செம்புலப் பெயனீர் என்னும் சொல்தான் இந்தச் செய்யுள் காலம் கடந்தும் நிற்க ஒரு காரணம்.


மழை நீர் செம்மண்ணில் கலந்து ஓடுவதைக் கவனித்திருப்போம். ஒன்றுடன் ஒன்று கலந்து பிரிக்க இயலாமல் கலந்திருக்கும். ஒன்றுடன் ஒன்று கலந்த இரண்டு அன்பு நெஞ்சங்களுக்கு அதனை உவமைப் படுத்தியதில் இருக்கிறது சிறப்பு.


- நா.கோபாலகிருஷ்ணன்

Comments

Post a Comment

Popular posts from this blog

இலக்கணம் கற்போம்…. பிழைகளைத் தவிர்ப்போம் – தொடர் _நாள் 21

-
இருபத்தொன்று வல்லினம் மிகா இடங்களின் அடுத்தடுத்த விதிகளைப் பார்ப்போமா நண்பா…? விதி 6: இரண்டாம் வேற்றுமை உருபு (ஐ) மறைந்து வரும் இடங்களில் வல்லினம் மிகாது.      எ.கா.: குயில் போன்றவள் விதி 7: மூன்று, ஐந்து மற்றும் ஆறாம் வேற்றுமைத் தொடர்களில் வல்லினம் மிகாது      எ.கா.: அண்ணனோடு போ, மரத்திலிருந்து பறி, குரங்கினது குட்டி. பதினொன்றாம் நாள் பாடத்தில் எட்டு வேற்றுமைகளைப் பற்றியும் பார்த்தோம் அல்லவா…. மீண்டும் நினைவுக்குக் கொண்டு வா நண்பா. இரண்டாம் வேற்றுமை உருபான ‘ஐ’ வெளிப்படையாக வந்தால் வல்லினம் மிகும் என்று ஏற்கனவே பார்த்துள்ளோம். ஒருவேளை ‘ஐ’ மறைந்து வந்தால் அங்கு வல்லினம் மிகாது என்பது இங்கு விதி. குயில் போன்றவள் என்னும் போது வல்லினம் மிகவில்லை. குயிலைப் போன்றவள் என்னும்போது வல்லினம் மிகுந்து வரும் என்பதைக் கவனித்துக்கொள் நண்பா. மூன்றாம் வேற்றுமை உருபுகள் -   ஆல், ஆன், ஒடு, ஓடு, உடன் ஐந்தாம் வேற்றுமை உருபுகள் - இல் இன் ஆறாம் வேற்றுமை உருபுகள் - அது, ஆது, அ என்பதனை ஏற்கனவே பார்த்துள்ளோம். மீண்டும் நினைவு படுத்திக்கொள் நண்பா…. இந்த வேற்றுமை உருபுகள் வெளிப்படையா
Read more

Preparing a book in Kindle direct publishing

-
Image
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word format ல் அடித்து தயாரா
Read more

இலக்கணம் கற்போம்…. பிழைகளைத் தவிர்ப்போம் – தொடர் _ நாள் 27

-
  இருபத்தேழு நண்பா இன்றைக்கு வாக்கியத்தில் வரும் சில முக்கியமான பிழைகள் குறித்துப் பார்க்கலாம் வா…. பொதுவாக நாம் அனைவருமே செய்யும் தவறு, அஃறிணைப் பொருட்களைக் குறிப்பிடுவதற்கு பயன்படவேண்டிய உருபுகளை உயர்திணைக்குப் பயன்படுத்துவது. உதாரணமாக, அது என்னும் உருபானது அஃறிணைக்கு உரியது. ஆனால் அதனை நாம் தவறுதலாக உயர்திணைக்குப் பயன்படுத்துவோம். எ.கா.: எனது மனைவி எனச் சொல்வது தவறு. என்னுடைய மனைவி என்று சொல்வதே சரி. அதே போன்று இந்த உருபினைப் பயன்படுத்தும்போது உயிரெழுத்தில் தொடங்கும் சொல்லுக்கு முன் அஃது என்றும், உயிர்மெய்யெழுத்தில் துவங்கும் சொல்லுக்கு முன் அது என்றும் பயன்படுத்தவேண்டும். எ.கா.: அஃது இங்கே உள்ளது, அது நன்றாக உள்ளது. இன்னொரு முக்கியமான தவறு, ஒருமைக்கான விகுதியினைப் பன்மைக்குப் பயன்படுத்துவது. இது, அனைவருமே தம்மையறியாமல் செய்யக்கூடும் பிழை நண்பா. உதாரணமாக, ‘பேருந்து நிலையத்தில் பேருந்துகள் நிற்கின்றது’ என எழுதினால் அது தவறல்லவா…? பேருந்துகள் என்று பன்மையில் வரும் வேளையில்,   நின்கின்றன என்றுதானே குறிப்பிட வேண்டும். எனவே ‘பேருந்து நிலையத்தில் பேருந்துகள் நிற்கின்றன’ என
Read more