இலக்கணம் கற்போம்…. பிழைகளைத் தவிர்ப்போம் – தொடர் _ நாள் 20

-

இருபது

என்ன நண்பா நலம்தானே….

வல்லினம் மிகும் இடங்களைப் பற்றிப் பார்த்துவிட்டோம். அவை அனைத்தும் உன் நினைவில் இருக்கும் என நம்புகிறேன்.

அடுத்து வல்லினம் மிகா இடங்களைப் பற்றிப் பார்க்கலாம் வா…

நாம் ஏற்கனவே அறிந்தது போல, வல்லினம் வரும் இடங்களில் எல்லாம் ஒற்று மிகாது. சில இடங்களில் மட்டுமே மிகும். ஒற்று வரக்கூடாத இடங்களைத்தான் வல்லினம் மிகா இடங்கள் என்கின்றோம். அவை எந்தெந்த இடங்கள் என்பன குறித்த விதிகளைப் பார்ப்போம் வா….

விதி 1 : எழுவாய் சொற்களை அடுத்து வல்லினம் மிகாது

            எ.கா.: தம்பி படித்தான், கிளி கொஞ்சும்

பதினொன்றாம் நாள் பாடத்தில் எழுவாய் என்றால் என்ன எனப் பார்த்தோம் நினைவில் உள்ளதா நண்பா…?

எழுவாய் என்றால் அந்த வாக்கியம் எழுவதற்குக் காரணமாய் இருப்பது.

இப்படிப்பட்ட எழுவாய் சொற்களைத் தொடர்ந்து வல்லினம் மிகாது என்பது விதி.

 

விதி 2: அது, இது என்னும் சுட்டுப்பெயர்களை அடுத்து வல்லினம் மிகாது

           எ.கா.: அது போல, இது தாங்குமா?

விதி 3: எது, எவை போன்ற வினாப்பெயர்களின் பின் வல்லினம் மிகாது

            எ.கா.: எது கண்டாய்?, எவை தவறுகள்?

சுட்டு மற்றும் வினாவினைப் பற்றி நாம் பத்தாம் நாள் பாடத்தில் பார்த்திருக்கின்றோம். நினைவில் கொண்டு வா நண்பா….

ஒன்றினைச் சுட்டிக்காட்டுவது சுட்டு என்றும், வினவுதலை வினா என்றும் சொல்கின்றோம். உனக்குத் தெரியும்தானே…..

 

விதி 4: பெயரெச்சம், எதிர்மறை பெயரெச்சம் ஆகியவற்றை அடுத்து வல்லினம் மிகாது

           எ.கா.: படித்த கவிதை, எழுதாத புத்தகம்

பெயரெச்சம் மற்றும் எதிர்மறைப் பெயரெச்சம் குறித்து பதினாறாம் நாள் பாடத்தில் பார்த்தோமே நண்பா… மீண்டும் நினைவுக்குக் கொண்டு வா….

முடிவுறாமல் நிற்கும் எச்சவினையானது ஒரு பெயரைக் கொண்டு முடியும் படி அமைந்திருந்தால் அது பெயரெச்சம். அது எதிர்மறைப்பொருளில் இருப்பின் அது எதிர்மறைப் பெயரெச்சம். சரிதானே….

நன்றாக நினைவில் வைத்துக்கொள். எதிர்மறைப் பெயரெச்சம் என்றால் வல்லினம் மிகாது. அதுவே ஈறுகெட்ட எதிர்மறைப் பெயரெச்சம் எனில் வல்லினம் மிகும்.

 

விதி 5: விளித் தொடர்களில் வல்லினம் மிகாது

            எ.கா.: மகளே வா

விளித்தல் என்றால் அழைத்தல் என்று பொருள். இவ்வாறான விளித்தொடர்களில் வல்லினம் மிகாது.

விளங்கியதா நண்பா…

இன்றைக்கு இந்த ஐந்து விதிகள் போதும் . நாளை மீண்டும் சந்திக்கலாம்.

காத்திரு ……

 


Comments

Post a Comment

Popular posts from this blog

Preparing a book in Kindle direct publishing

-
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word...
Read more

உணவும் உணர்வும்

-
உணவு என்பது உணர்வு சம்பந்தப்பட்டதா ….. என்னைக் கேட்டால் ஆமாம் என்பேன். இந்த உணவைத்தான் நீ உண்ணத் தகுதியுடையவன், உண்ண வேண்டியவன்  எனத் திணிப்பதுவும் வன்முறைதான்….. சில நேரங்களில் சில சம்பவங்கள் நிகழும்போது அது நமக்குப் பல விசயங்களைச் சொல்லிப்போய்விடுகின்றது.  2010 அல்லது 2011ஆம் வருடம் என்று நினைக்கிறேன். எனது பணி நிமித்தமாக அடிக்கடி விழுப்புரம் சென்று தங்குவது வழக்கம். அப்போது விழுப்புரத்தில் எனக்கு இருந்த பெரும் பிரச்சினை சாப்பாடுதான். ஒன்றிரண்டு கடைகள் தவிர எங்கும் சாப்பிட முடியாது. பெரும்பாலும்  பேருந்து நிலையத்தின் எதிரில் இருந்த ஒரு உணவகத்தில்தான்  ( விலை கொஞ்சம் அதிகமென்றாலும்) சாப்பிடுவேன். ஒருநாள் காலை அந்த உணவகத்தின் சிறப்பான வெண்பொங்கலை ருசித்துக்கொண்டிருந்தேன்.  எனது எதிர் இருக்கையில் ஒரு நடுத்தர வயதுடைய தம்பதியினர் வந்து உட்கார்ந்தார்கள். கொஞ்சம் கிராமிய சாயல் கொண்ட மனிதர்கள். உட்கார்ந்தவுடன் கணவர் மனைவியிடம் இட்லி சாப்பிட்டுக்கலாம் என்றார். சரியென்று தலையசைத்த அந்தப் பெண்மணி நான் பொங்கல் சாப்பிடுவதைப் பார்த்தவர் மெதுவாகக் கணவரிடம் பொங்கல் வேண்டும் எ...
Read more

சிறுவாடு

-
  இந்த முழு அடைப்புக்காலம் நிறைய விசயங்களை நம்மைச் சந்திக்க வைத்திருக்கின்றது.  முக்கியமாய் பெரும்பான்மையான மக்கள் சந்தித்திருப்பது நிதி சார்ந்த பிரச்சினைகள்தான்.  ஒரு எதிர்பாராத இடர்வரும்போது அதனை எதிர்கொள்வதற்கு, நாம் எந்த அளவிற்குத் தயாராய் இருக்கின்றோம் என, இந்தக்காலமானது நமக்கு சுயதரிசனம் காட்டியிருக்கின்றது.  முன் தலைமுறையில் இல்லாத நுகர்வுக் கலாச்சாரத்தினை இப்போது நாம் அனுபவிக்க ஆரம்பித்துவிட்டோம். தேவையோ இல்லையோ எல்லாப் பொருட்களையும் வாங்கிக் குவித்துள்ளோம்.  இந்த முழு அடைப்புக்காலம் வந்தவுடன் நாம் அனைவரும் யோசித்தது அடுத்த மாத இ.எம்.ஐ. பற்றித்தான். முழுச்சாப்பாடு இல்லையெனினும் கஞ்சி குடித்து வாழ்ந்து விடலாம் என்ற தைரியம் இருந்தாலும், இ.எம்.ஐ. மட்டும்தான் பூதத்தினைப் போல முன் நிற்கின்றது.  இப்போது நம்மை அறியாமலே நாம் அறிந்து கொண்டிருக்கும் ஒரு முக்கியமான விசயம், நம்மிடம் என்ன சேமிப்பு உள்ளது என்பது….. எனக்குத் தெரிந்து எனது சுற்று வட்டத்தில் இந்தக் கேள்வியைக் கேட்டு தன்னைத் தானே துப்பிக்கொண்டவர்கள் பெருவாரியானவர்கள். ஐந்து இலக்கத்தில் சம்பாதிக்கும் ...
Read more