இலக்கணம் கற்போம்…. பிழைகளைத் தவிர்ப்போம் – தொடர்_ நாள் 18

-

பதினெட்டு

நண்பா… கடந்த சில நாட்களாக வலிமிகலின் விதிகளைப் பார்த்துக் கொண்டிருக்கிறோம்.

இன்றைக்கு வலிமிகலின் கடைசி விதியினைப் பார்க்கலாம்.

விதி 23: இருபெயரொட்டுப் பண்புத்தொகையில் வல்லினம் மிகும்

      எ.கா.: மல்லிகைப்பூ

முதலில் பண்புத்தொகை என்றால் என்ன எனப் பார்ப்போம் நண்பா….

பண்புப்பெயருக்கும் பெயர்ச்சொல்லுக்கும் இடையில் ஆகிய, ஆன என்பன போன்ற பண்பு உருபுகளும், மை என்ற விகுதியும் மறைந்து வருவது பண்புத்தொகை எனப்படும்.

எ.கா.: வெண்ணிலவு

புரிந்து கொள்ள ஒன்றும் துயரப்படாதே நண்பா….

ஒரு குறிப்பிட்ட பண்பினை விளக்குவது பண்புச்சொல் ஆகும். பண்பினைக் குறிப்பதற்காக ஆகிய, ஆன என்பன போன்ற பண்பு உருபுகள் இருக்கின்றன.

நாம் ஏற்கனவே பார்த்த வேற்றுமைத் தொகை, உவமைத்தொகை போன்றவற்றினை நினைவு படுத்திப்பார்.  அதில் எப்படி உருபுகள் மறைந்து வருகின்றனவோ, அதே போல இங்கும் உருபுகள் மறைந்து வரும். அதோடு சில பண்புப்பெயர்களில் மை என்னும் விகுதி இருப்பின் அவையும் மறைந்து வரும். இதுதான் பண்புத்தொகை எனப்படும்.

மேலே சொன்ன எடுத்துக்காட்டினைப் பார்.

வெண்ணிலவு.

அதாவது வெண்மை ஆன நிலவு. சரியா….

வெண்மை என்பது பண்புப்பெயர். இதில் உள்ள மையும், ஆன என்னும் உருபும் மறைந்து வென்ணிலவு என வருவதால் இது பண்புத்தொகை. அவ்வளவுதான்….

சரி அது என்ன இருபெயரொட்டுப் பண்புத்தொகை என்று பார்க்கின்றாயா…

சிறப்புப்பெயர் முன்னும், பொதுப்பெயர் பின்னும் நின்று இடையில் ஆகிய என்னும் பண்பு உருபு மறைந்து வருவது இருபெயரொட்டுப் பண்புத்தொகை ( இரண்டு பெயர் ஒட்டிய பண்புத்தொகை) எனப்படும்.

விளங்கியதா…?

இதற்குரிய உதாரணங்களைப் பார்க்கலாம்.

மல்லிகைப்பூ, முல்லைப்பூ, தமிழ்மொழி.

 மல்லிகை என்பது சிறப்புப்பெயர். பூ என்பது பொதுப்பெயர். இரண்டுக்கும் இடையில் பண்பு உருபு மறைந்துவருகின்றது. புரிகின்றதா….

இவ்வாறான இருபெயரொட்டுப் பண்புத்தொகையில் வல்லினம் மிகும் என்பது விதி.

வலிமிகல் அவ்வளவுதான் நண்பா….

வலி மிகலின் விதிகள் அனைத்தும் உனக்கு விளங்கியிருக்கும் என்று நம்புகின்றேன்.

நாளை அனைத்து விதிகளையும் ஒருமுறை மொத்தமாய் நினைவு படுத்திக்கொண்டு, வலி மிகா இடங்களைப் பற்றி அடுத்துப் பார்க்கத்துவங்குவோம்… காத்திரு….


Comments

Post a Comment

Popular posts from this blog

Preparing a book in Kindle direct publishing

-
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word...
Read more

உணவும் உணர்வும்

-
உணவு என்பது உணர்வு சம்பந்தப்பட்டதா ….. என்னைக் கேட்டால் ஆமாம் என்பேன். இந்த உணவைத்தான் நீ உண்ணத் தகுதியுடையவன், உண்ண வேண்டியவன்  எனத் திணிப்பதுவும் வன்முறைதான்….. சில நேரங்களில் சில சம்பவங்கள் நிகழும்போது அது நமக்குப் பல விசயங்களைச் சொல்லிப்போய்விடுகின்றது.  2010 அல்லது 2011ஆம் வருடம் என்று நினைக்கிறேன். எனது பணி நிமித்தமாக அடிக்கடி விழுப்புரம் சென்று தங்குவது வழக்கம். அப்போது விழுப்புரத்தில் எனக்கு இருந்த பெரும் பிரச்சினை சாப்பாடுதான். ஒன்றிரண்டு கடைகள் தவிர எங்கும் சாப்பிட முடியாது. பெரும்பாலும்  பேருந்து நிலையத்தின் எதிரில் இருந்த ஒரு உணவகத்தில்தான்  ( விலை கொஞ்சம் அதிகமென்றாலும்) சாப்பிடுவேன். ஒருநாள் காலை அந்த உணவகத்தின் சிறப்பான வெண்பொங்கலை ருசித்துக்கொண்டிருந்தேன்.  எனது எதிர் இருக்கையில் ஒரு நடுத்தர வயதுடைய தம்பதியினர் வந்து உட்கார்ந்தார்கள். கொஞ்சம் கிராமிய சாயல் கொண்ட மனிதர்கள். உட்கார்ந்தவுடன் கணவர் மனைவியிடம் இட்லி சாப்பிட்டுக்கலாம் என்றார். சரியென்று தலையசைத்த அந்தப் பெண்மணி நான் பொங்கல் சாப்பிடுவதைப் பார்த்தவர் மெதுவாகக் கணவரிடம் பொங்கல் வேண்டும் எ...
Read more

சிறுவாடு

-
  இந்த முழு அடைப்புக்காலம் நிறைய விசயங்களை நம்மைச் சந்திக்க வைத்திருக்கின்றது.  முக்கியமாய் பெரும்பான்மையான மக்கள் சந்தித்திருப்பது நிதி சார்ந்த பிரச்சினைகள்தான்.  ஒரு எதிர்பாராத இடர்வரும்போது அதனை எதிர்கொள்வதற்கு, நாம் எந்த அளவிற்குத் தயாராய் இருக்கின்றோம் என, இந்தக்காலமானது நமக்கு சுயதரிசனம் காட்டியிருக்கின்றது.  முன் தலைமுறையில் இல்லாத நுகர்வுக் கலாச்சாரத்தினை இப்போது நாம் அனுபவிக்க ஆரம்பித்துவிட்டோம். தேவையோ இல்லையோ எல்லாப் பொருட்களையும் வாங்கிக் குவித்துள்ளோம்.  இந்த முழு அடைப்புக்காலம் வந்தவுடன் நாம் அனைவரும் யோசித்தது அடுத்த மாத இ.எம்.ஐ. பற்றித்தான். முழுச்சாப்பாடு இல்லையெனினும் கஞ்சி குடித்து வாழ்ந்து விடலாம் என்ற தைரியம் இருந்தாலும், இ.எம்.ஐ. மட்டும்தான் பூதத்தினைப் போல முன் நிற்கின்றது.  இப்போது நம்மை அறியாமலே நாம் அறிந்து கொண்டிருக்கும் ஒரு முக்கியமான விசயம், நம்மிடம் என்ன சேமிப்பு உள்ளது என்பது….. எனக்குத் தெரிந்து எனது சுற்று வட்டத்தில் இந்தக் கேள்வியைக் கேட்டு தன்னைத் தானே துப்பிக்கொண்டவர்கள் பெருவாரியானவர்கள். ஐந்து இலக்கத்தில் சம்பாதிக்கும் ...
Read more