Floor Space Index _ வீட்டுக்கடன் அ முதல் ஃ வரை புத்தகத்திலிருந்து

-

ஒரு கட்டிடம் கட்ட அனுமதி பெற முயலும் போது ( முக்கியமாக நகராட்சி அல்லது மாநகராட்சி யில்) எஃப்.எஸ்.ஐ. / எஃப்.எஸ்.ஆர் (FSI / FSR )என்னும் வார்த்தையைக் கேள்விப் பட்டிருப்பீர்கள். அதன் விபரங்களைத் தெரிந்து கொள்ளுங்கள்.

FSI என்பது ஒரு நிலத்தில் எவ்வளவு பரப்பிற்கு கட்டிடம் கட்டலாம் என்பதனைச் சொல்லும் விகிதம். சில வேளைகளில், இது ஒவ்வொரு மாநகராட்சிக்கும் மாறுபடக் கூடும். சமீபத்தில் தமிழக அரசு இதனை 1.5 லிருந்து, 2 க்கு உயர்த்தியுள்ளது.

FSI என்பது அனைத்து தளங்களையும் மொத்தம் சேர்த்த பரப்பினை நிலத்தின் பரப்பால் வகுக்க கிடைக்கும் விகிதம் ஆகும். FSR என்பது விகிதமாகவும், FSI என்பது குறியீடு ஆகவும் சொல்லப்படும்.

அதாவது

FSR = (அனைத்துத் தளங்களின் கார்ப்பெட் ஏரியா / நிலத்தின் பரப்பு )

FSI = (அனைத்துத் தளங்களின் கார்ப்பெட் ஏரியா / நிலத்தின் பரப்பு ) X 100

உதாரணமாக,

ஒரு பிளாட்டின் பரப்பு 1000 சதுர அடி இருக்கிறது. அதில் தரைத்தளம் 600சதுரடி கார்ப்பெட் ஏரியாவுடனும், முதல் தளம் 500சதுரடி கார்ப்பெட் ஏரியாவுடனும் கட்டப்பட்டிருக்கிறது என வைத்துக் கொள்வோம்.

எனில், FSR = (600+500) / 1000 = 1.1

அதே போல் ஒரு மாநகராட்சியில் FSI 125% எனச் சொல்கிறார்கள் என வைத்துக் கொள்வோம். உங்களின் இடம் 1000 சதுரடி எனில் அதில் 1250சதுரடி கார்ப்பெட் ஏரியா உள்ள கட்டிடத்தை நீங்கள் கட்டிக் கொள்ளலாம்.

இவ்வளவுதான் விசயம்.

-நா.கோபாலகிருஷ்ணன்

Comments

Post a Comment

Popular posts from this blog

Preparing a book in Kindle direct publishing

-
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word...
Read more

உணவும் உணர்வும்

-
உணவு என்பது உணர்வு சம்பந்தப்பட்டதா ….. என்னைக் கேட்டால் ஆமாம் என்பேன். இந்த உணவைத்தான் நீ உண்ணத் தகுதியுடையவன், உண்ண வேண்டியவன்  எனத் திணிப்பதுவும் வன்முறைதான்….. சில நேரங்களில் சில சம்பவங்கள் நிகழும்போது அது நமக்குப் பல விசயங்களைச் சொல்லிப்போய்விடுகின்றது.  2010 அல்லது 2011ஆம் வருடம் என்று நினைக்கிறேன். எனது பணி நிமித்தமாக அடிக்கடி விழுப்புரம் சென்று தங்குவது வழக்கம். அப்போது விழுப்புரத்தில் எனக்கு இருந்த பெரும் பிரச்சினை சாப்பாடுதான். ஒன்றிரண்டு கடைகள் தவிர எங்கும் சாப்பிட முடியாது. பெரும்பாலும்  பேருந்து நிலையத்தின் எதிரில் இருந்த ஒரு உணவகத்தில்தான்  ( விலை கொஞ்சம் அதிகமென்றாலும்) சாப்பிடுவேன். ஒருநாள் காலை அந்த உணவகத்தின் சிறப்பான வெண்பொங்கலை ருசித்துக்கொண்டிருந்தேன்.  எனது எதிர் இருக்கையில் ஒரு நடுத்தர வயதுடைய தம்பதியினர் வந்து உட்கார்ந்தார்கள். கொஞ்சம் கிராமிய சாயல் கொண்ட மனிதர்கள். உட்கார்ந்தவுடன் கணவர் மனைவியிடம் இட்லி சாப்பிட்டுக்கலாம் என்றார். சரியென்று தலையசைத்த அந்தப் பெண்மணி நான் பொங்கல் சாப்பிடுவதைப் பார்த்தவர் மெதுவாகக் கணவரிடம் பொங்கல் வேண்டும் எ...
Read more

சிறுவாடு

-
  இந்த முழு அடைப்புக்காலம் நிறைய விசயங்களை நம்மைச் சந்திக்க வைத்திருக்கின்றது.  முக்கியமாய் பெரும்பான்மையான மக்கள் சந்தித்திருப்பது நிதி சார்ந்த பிரச்சினைகள்தான்.  ஒரு எதிர்பாராத இடர்வரும்போது அதனை எதிர்கொள்வதற்கு, நாம் எந்த அளவிற்குத் தயாராய் இருக்கின்றோம் என, இந்தக்காலமானது நமக்கு சுயதரிசனம் காட்டியிருக்கின்றது.  முன் தலைமுறையில் இல்லாத நுகர்வுக் கலாச்சாரத்தினை இப்போது நாம் அனுபவிக்க ஆரம்பித்துவிட்டோம். தேவையோ இல்லையோ எல்லாப் பொருட்களையும் வாங்கிக் குவித்துள்ளோம்.  இந்த முழு அடைப்புக்காலம் வந்தவுடன் நாம் அனைவரும் யோசித்தது அடுத்த மாத இ.எம்.ஐ. பற்றித்தான். முழுச்சாப்பாடு இல்லையெனினும் கஞ்சி குடித்து வாழ்ந்து விடலாம் என்ற தைரியம் இருந்தாலும், இ.எம்.ஐ. மட்டும்தான் பூதத்தினைப் போல முன் நிற்கின்றது.  இப்போது நம்மை அறியாமலே நாம் அறிந்து கொண்டிருக்கும் ஒரு முக்கியமான விசயம், நம்மிடம் என்ன சேமிப்பு உள்ளது என்பது….. எனக்குத் தெரிந்து எனது சுற்று வட்டத்தில் இந்தக் கேள்வியைக் கேட்டு தன்னைத் தானே துப்பிக்கொண்டவர்கள் பெருவாரியானவர்கள். ஐந்து இலக்கத்தில் சம்பாதிக்கும் ...
Read more