பிளின்த் ஏரியா, பில்ட் அப் ஏரியா, கார்பெட் ஏரியா - விளக்கங்கள்

-

கட்டிடம் தொடர்பான சில கலைச் சொற்களைத் (Technical Words ) தெரிந்து கொள்வோம்.

பிளின்த் ஏரியா (Plinth Area) :


 ஒரு கட்டிடத்தின் வெளிச்சுவர்களுக்கு இடைப்பட்ட பரப்பு பிளின்த் ஏரியா எனப்படும். உதாரணமாக ஒரு தரைத்தளக் கட்டிடம் நீளம் 22 அடி அகலம் 20 அடி உள்ள செவ்வகமாகக் கட்டப்பட்டிருக்கிறது எனில் பிளின்த் ஏரியா என்பது 22 X 20 = 440 சதுரடி ஆகும். இதில் படிக்கட்டு, நீட்டி விடப்பட்டிருக்கும் பால்கனி போன்றவற்றின் பரப்பு சேராது.


பில்ட் அப் ஏரியா (Built up area ):

ஒரு கட்டிடத்தின் அனைத்துத் தளங்களின் மொத்த பரப்பு பில்ட் அப் ஏரியா எனப்படும். உதாரணமாக ஒரு கட்டிடம் தரைத்தளத்தில் 400 சதுரடியுடனும், முதல் தளத்தில் 300 சதுரடியுடனும், இரண்டாம் தளத்தில் 300 சதுரடியுடனும் கட்டப்பட்டிருக்கிறது. இதன் பில்ட் அப் ஏரியா என்பது 400+300+300 = 1000சதுரடி ஆகும்.


கார்ப்பெட் ஏரியா (Carpet Area) :

கார்ப்பெட் ஏரியா என்பது சுவர்களின் பரப்பினைச் சேர்க்காத கட்டிடத்தின் பரப்பு ஆகும். அதாவது நாம் உபயோகிக்கும் தளத்தின் பரப்பு ஆகும். உதாரணமாக 500 சதுர அடி கட்டிடத்தில் மொத்தமாக நான்கு அறைகள் உள்ளன என வைத்துக் கொள்வோம். ஹால் 10 க்கு 16, சமையலறை 10 க்கு 8, படுக்கையறை 10 க்கு 10 மற்றும் கழிப்பறை 4 க்கு 5 என்ற அளவில் உள்ளது எனில் கார்ப்பெட் ஏரியா என்பது (10 X 16 ) + (10 X 8 ) + (10 X 10 )+ ( 4 X 5 ) = 360 சதுரடி ஆகும்.

இதில் பால்கனி, படிக்கட்டு போன்றவற்றின் பரப்பு சேர்ந்து இருக்கும்.


சூப்பர் பில்ட் அப் ஏரியா (Super Built up Area):

இது பொதுவாக அப்பார்ட்மெண்ட்களில் (Apartments) உபயோகிக்கப்படும் சொல் ஆகும். ஒரு பிளாட்டின் பரப்பு மற்றும் பொதுவான உபயோக தளத்தின் (படிக்கட்டு, லிப்ட், வராண்டா போன்றவை) அந்த பிளாட்டுக்கு உள்ள பரப்பு இரண்டும் சேர்ந்தது சூப்பர் பில்ட் அப் ஏரியா ஆகும்.
உதாரணமாக நாம் வாங்கப்போகும் பிளாட்டின் உண்மையான பரப்பு 500 சதுர அடி என வைத்துக் கொள்வோம். அந்த அப்பார்ட்மெண்ட்டில் மொத்தம் 10 பிளாட்டுகள் உள்ளன. படிக்கட்டு, வராண்டா போன்ற பொதுவான தளங்களின் பரப்பு 8000 சதுர அடி என வைத்துக் கொள்வோம். இப்போது சூப்பர் பில்ட் அப் ஏரியா என்பது 500 + (8000/10) = 580சதுரடி ஆகும். (இந்த பரப்பிற்குத்தான் உங்கள் விலை நிர்ணயிக்கப்படும். )


அன் டிவைடேட் ஷேர் ஏரியா(Un divided Share Area) :

இதுவும் பொதுவாக அப்பார்ட்மெண்ட்களில் உபயோகிக்கப்படும் சொல். நாம் ஒரு தனி வீடு வாங்குகிறோம் என வைத்துக் கொள்வோம். மொத்த இடம், மற்றும் வீடு இது நமக்கு சொந்தமாகும். ஆனால் அப்பார்ட்மெண்ட்டில் ஒரே ஒரு பிளாட் தரைத்தளத்திலோ அல்லது 22 வது மாடியிலோ வாங்கினால் எந்த இடம் நமக்கு சொந்தம் என்று தெரியும்? அங்கே உள்ள அனைவருக்கும் அந்த இடம் சொந்தம் அல்லவா? அதற்குதான் இந்த முறை உபயோக்கிப்படுகிறது. மொத்த இடத்தினையும் பிரிவினையில்லாமல் ஒவ்வொருவரும் சொந்தம் கொண்டாடிக் கொள்வது. ஒவ்வொருவரும் வாங்கிய பிளாட்டின் பரப்பிந் விகிதத்திற்கு ஏற்றபடி மொத்த இடத்தின் பரப்பானது பிரித்து பதிவு செய்து தரப்படும். அதுதான் அன் டிவைடேட் ஷேர் ஏரியா

-நா.கோபாலகிருஷ்ணன்


Comments

  1. ஜோதிஜிJuly 15, 2020 at 6:18 PM

    மின் அஞ்சல் வழியாக உங்கள் பதிவுகளை பெற்று படிக்கிறேன். இந்த துறை குறித்து தெரிந்து கொள்ள ஆசை. நன்றாக வந்துள்ளது. தொடர்ந்து கடைசி வரைக்கும் எழுதுங்க. நன்றி.

    ReplyDelete
    Replies
    1. நா.கோபாலகிருஷ்ணன்July 16, 2020 at 12:51 AM

      மிக்க நன்றி அண்ணா, உங்கள் வழிகாட்டுதலும், ஆதரவும்தான் தொடர்ந்து செயல்பட ஊக்கமளிக்கின்றது.

      Delete

Post a Comment

Popular posts from this blog

Preparing a book in Kindle direct publishing

-
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word...
Read more

உணவும் உணர்வும்

-
உணவு என்பது உணர்வு சம்பந்தப்பட்டதா ….. என்னைக் கேட்டால் ஆமாம் என்பேன். இந்த உணவைத்தான் நீ உண்ணத் தகுதியுடையவன், உண்ண வேண்டியவன்  எனத் திணிப்பதுவும் வன்முறைதான்….. சில நேரங்களில் சில சம்பவங்கள் நிகழும்போது அது நமக்குப் பல விசயங்களைச் சொல்லிப்போய்விடுகின்றது.  2010 அல்லது 2011ஆம் வருடம் என்று நினைக்கிறேன். எனது பணி நிமித்தமாக அடிக்கடி விழுப்புரம் சென்று தங்குவது வழக்கம். அப்போது விழுப்புரத்தில் எனக்கு இருந்த பெரும் பிரச்சினை சாப்பாடுதான். ஒன்றிரண்டு கடைகள் தவிர எங்கும் சாப்பிட முடியாது. பெரும்பாலும்  பேருந்து நிலையத்தின் எதிரில் இருந்த ஒரு உணவகத்தில்தான்  ( விலை கொஞ்சம் அதிகமென்றாலும்) சாப்பிடுவேன். ஒருநாள் காலை அந்த உணவகத்தின் சிறப்பான வெண்பொங்கலை ருசித்துக்கொண்டிருந்தேன்.  எனது எதிர் இருக்கையில் ஒரு நடுத்தர வயதுடைய தம்பதியினர் வந்து உட்கார்ந்தார்கள். கொஞ்சம் கிராமிய சாயல் கொண்ட மனிதர்கள். உட்கார்ந்தவுடன் கணவர் மனைவியிடம் இட்லி சாப்பிட்டுக்கலாம் என்றார். சரியென்று தலையசைத்த அந்தப் பெண்மணி நான் பொங்கல் சாப்பிடுவதைப் பார்த்தவர் மெதுவாகக் கணவரிடம் பொங்கல் வேண்டும் எ...
Read more

சிறுவாடு

-
  இந்த முழு அடைப்புக்காலம் நிறைய விசயங்களை நம்மைச் சந்திக்க வைத்திருக்கின்றது.  முக்கியமாய் பெரும்பான்மையான மக்கள் சந்தித்திருப்பது நிதி சார்ந்த பிரச்சினைகள்தான்.  ஒரு எதிர்பாராத இடர்வரும்போது அதனை எதிர்கொள்வதற்கு, நாம் எந்த அளவிற்குத் தயாராய் இருக்கின்றோம் என, இந்தக்காலமானது நமக்கு சுயதரிசனம் காட்டியிருக்கின்றது.  முன் தலைமுறையில் இல்லாத நுகர்வுக் கலாச்சாரத்தினை இப்போது நாம் அனுபவிக்க ஆரம்பித்துவிட்டோம். தேவையோ இல்லையோ எல்லாப் பொருட்களையும் வாங்கிக் குவித்துள்ளோம்.  இந்த முழு அடைப்புக்காலம் வந்தவுடன் நாம் அனைவரும் யோசித்தது அடுத்த மாத இ.எம்.ஐ. பற்றித்தான். முழுச்சாப்பாடு இல்லையெனினும் கஞ்சி குடித்து வாழ்ந்து விடலாம் என்ற தைரியம் இருந்தாலும், இ.எம்.ஐ. மட்டும்தான் பூதத்தினைப் போல முன் நிற்கின்றது.  இப்போது நம்மை அறியாமலே நாம் அறிந்து கொண்டிருக்கும் ஒரு முக்கியமான விசயம், நம்மிடம் என்ன சேமிப்பு உள்ளது என்பது….. எனக்குத் தெரிந்து எனது சுற்று வட்டத்தில் இந்தக் கேள்வியைக் கேட்டு தன்னைத் தானே துப்பிக்கொண்டவர்கள் பெருவாரியானவர்கள். ஐந்து இலக்கத்தில் சம்பாதிக்கும் ...
Read more