பட்டா, சிட்டா, அடங்கல் - வருமானவரித்துறை ஆவணங்கள்

-

நான் வீட்டுக்கடன் துறையில் நுழைந்த போது, சில காலம் என்னை பயமுறுத்திய வார்த்தைகள் பட்டா, சிட்டா அடங்கல். அதன் பின் அதனைப் பற்றிப் புரிந்து கொண்டபோது இதுக்கா இவ்வளவு பயந்தோம் என வடிவேலு ஸ்டைலில் என்னை நானே திட்டிக் கொண்டேன். என் போன்ற சில நண்பர்களுக்காய் அவை பற்றிய சிறு விளக்கம்.

பட்டா:
பட்டா என்பதனை நில உரிமைச் சான்று எனச் சொல்லலாம். இது வருவாய்த் துறையினரால் வழங்கப்படும் ஆவணம். இதில் சர்வே எண், இடத்தின் அளவுகள் மற்றும் பரப்பளவு போன்றவை குறிப்பிடப்பட்டிருக்கும்.

நடைமுறையில், நிலத்தினை நான்கு வகைகளாகப் பிரிக்கிறார்கள். அதற்கேற்றார் போல் பட்டா வழங்கப்படுகிறது.

1. நஞ்சை நிலம் – தண்ணீர் பாய்கின்ற விளை நிலங்கள்/வயல்கள்.
2. புஞ்சை நிலம் – தண்ணீர் பாயாத மேட்டு நிலங்கள்.
3. நத்தம் – வீட்டுமனை நிலங்கள்.
4. புறம்போக்கு – அரசிற்குச் சொந்தமான நிலங்கள். தரிசு நிலம், மயானம், கரடு போன்ற நிலங்கள்.

சிட்டா:
பல பட்டாக்களின் தொகுப்புப் பதிவேடுதான் சிட்டா ஆகும். ஒரு குறிப்பிட்ட சர்வே எண்ணில் உள்ள நிலத்தினை யார் யாருக்கு பிரித்துக் கொடுக்கப் பட்டிருக்கிறதோ அதன் விபரம் மற்றும் அது தனிப் பட்டாவா, கூட்டுப்பட்டாவா போன்ற விபரங்கள் இதில் பதிய பட்டிருக்கும். மேலும் பட்டா எண், சர்வே எண், கிராமத்தின் பெயர், தாலுகா, மாவட்டம், உரிமையாளரின் பெயர்(தந்தையின் பெயருடன்) முதலிய விபரங்கள் விரிவாகக் குறிக்கப்பட்டிருக்கும்.
இது கிராம நிர்வாக அலுவலரால் (Village Administration Officer – VAO) பராமரிக்கப்படுவது. இதன் நகலானது தாலுகா அலுவலகத்தில் பராமரிக்கப்படும்.

அடங்கல்:
ஒரு குறிப்பிட்ட நிலத்தில் என்ன இருக்கிறது என்று பதிவு செய்யும் ஆவணம்
அடங்கல். இது ஆண்டு வாரியாகப் பராமரிக்கப்படுகிறது.
விவசாய நிலமாக இருந்தால் விவசாயப் பயிர்களின் விபரம், அறுவடை நாள் மற்றும் மாதம், சாகுபடி விபரம் போன்றவற்றினைப் பதிந்து வைப்பார்கள். மற்ற நிலங்களில் வீடுகள், வணிக நிறுவனங்கள் போன்றவை இருந்தால் அவற்றினைப் பற்றிய விபரங்கள் பதியப்படும்.

அ-பதிவேடு (A-Register):
அ-பதிவேடு என்பது கிராம நிர்வாக அலுவலரால் பராமரிக்கப்படும் குறிப்பேடு. ஒவ்வொரு நிலத்துண்டின் பரிமாற்றங்களும் இதில் பதியப்படும். பொதுவாக சிட்டா விபரங்கள் அனைத்தும் இதில்தான் பதியப்படும்.

எஃப்.எம்.பி. ஸ்கெட்ச் (FMB Sketch):
எஃப்.எம்.பி. ஸ்கெட்ச் என்பது சர்வே எண்களுடன் வரையப்பட்ட வரைபடம். இதன் மூலம் ஒரு நிலத்துண்டின் அமைப்பினை எளிதாக அளந்து கொள்ளலாம். இதுவும் கிராம நிர்வாக அலுவலகத்தில் பெற்றுக் கொள்ளலாம்.


-நா.கோபாலகிருஷ்ணன்

Comments

Post a Comment

Popular posts from this blog

Preparing a book in Kindle direct publishing

-
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word...
Read more

உணவும் உணர்வும்

-
உணவு என்பது உணர்வு சம்பந்தப்பட்டதா ….. என்னைக் கேட்டால் ஆமாம் என்பேன். இந்த உணவைத்தான் நீ உண்ணத் தகுதியுடையவன், உண்ண வேண்டியவன்  எனத் திணிப்பதுவும் வன்முறைதான்….. சில நேரங்களில் சில சம்பவங்கள் நிகழும்போது அது நமக்குப் பல விசயங்களைச் சொல்லிப்போய்விடுகின்றது.  2010 அல்லது 2011ஆம் வருடம் என்று நினைக்கிறேன். எனது பணி நிமித்தமாக அடிக்கடி விழுப்புரம் சென்று தங்குவது வழக்கம். அப்போது விழுப்புரத்தில் எனக்கு இருந்த பெரும் பிரச்சினை சாப்பாடுதான். ஒன்றிரண்டு கடைகள் தவிர எங்கும் சாப்பிட முடியாது. பெரும்பாலும்  பேருந்து நிலையத்தின் எதிரில் இருந்த ஒரு உணவகத்தில்தான்  ( விலை கொஞ்சம் அதிகமென்றாலும்) சாப்பிடுவேன். ஒருநாள் காலை அந்த உணவகத்தின் சிறப்பான வெண்பொங்கலை ருசித்துக்கொண்டிருந்தேன்.  எனது எதிர் இருக்கையில் ஒரு நடுத்தர வயதுடைய தம்பதியினர் வந்து உட்கார்ந்தார்கள். கொஞ்சம் கிராமிய சாயல் கொண்ட மனிதர்கள். உட்கார்ந்தவுடன் கணவர் மனைவியிடம் இட்லி சாப்பிட்டுக்கலாம் என்றார். சரியென்று தலையசைத்த அந்தப் பெண்மணி நான் பொங்கல் சாப்பிடுவதைப் பார்த்தவர் மெதுவாகக் கணவரிடம் பொங்கல் வேண்டும் எ...
Read more

சிறுவாடு

-
  இந்த முழு அடைப்புக்காலம் நிறைய விசயங்களை நம்மைச் சந்திக்க வைத்திருக்கின்றது.  முக்கியமாய் பெரும்பான்மையான மக்கள் சந்தித்திருப்பது நிதி சார்ந்த பிரச்சினைகள்தான்.  ஒரு எதிர்பாராத இடர்வரும்போது அதனை எதிர்கொள்வதற்கு, நாம் எந்த அளவிற்குத் தயாராய் இருக்கின்றோம் என, இந்தக்காலமானது நமக்கு சுயதரிசனம் காட்டியிருக்கின்றது.  முன் தலைமுறையில் இல்லாத நுகர்வுக் கலாச்சாரத்தினை இப்போது நாம் அனுபவிக்க ஆரம்பித்துவிட்டோம். தேவையோ இல்லையோ எல்லாப் பொருட்களையும் வாங்கிக் குவித்துள்ளோம்.  இந்த முழு அடைப்புக்காலம் வந்தவுடன் நாம் அனைவரும் யோசித்தது அடுத்த மாத இ.எம்.ஐ. பற்றித்தான். முழுச்சாப்பாடு இல்லையெனினும் கஞ்சி குடித்து வாழ்ந்து விடலாம் என்ற தைரியம் இருந்தாலும், இ.எம்.ஐ. மட்டும்தான் பூதத்தினைப் போல முன் நிற்கின்றது.  இப்போது நம்மை அறியாமலே நாம் அறிந்து கொண்டிருக்கும் ஒரு முக்கியமான விசயம், நம்மிடம் என்ன சேமிப்பு உள்ளது என்பது….. எனக்குத் தெரிந்து எனது சுற்று வட்டத்தில் இந்தக் கேள்வியைக் கேட்டு தன்னைத் தானே துப்பிக்கொண்டவர்கள் பெருவாரியானவர்கள். ஐந்து இலக்கத்தில் சம்பாதிக்கும் ...
Read more