இலக்கணம் கற்போம்…. பிழைகளைத் தவிர்ப்போம் – தொடர் _ நாள் 13

-

பதிமூன்று

என்ன நண்பா உற்சாகமாக உள்ளாயா…?

வலிமிகுதலின் ஆறு விதிகளைப் படித்துப் புரிந்துகொண்டோம் என்ற மகிழ்ச்சியினை உணர்கின்றாயா….

வா…. இன்னும் சில விதிகளைப் பார்ப்போம்.

இன்றைக்கு வெகு சுலபமான, நேரடியாகப் புரிந்துகொள்ளக் கூடிய சில விதிகளைப் பார்த்துவிடலாம் நண்பா….

விதி 7: என, ஆக போன்ற சொல்லுருபுகளின் பின் வல்லினம் மிகும்.

              எ.கா.: எனக்கூறினான், வருவதாகச்சொல்

விதி 8: எண் பெயர்களில் எட்டு, பத்து ஆகிய இரண்டு பெயர்களில் மட்டும் வல்லினம் மிகும்

               எ.கா.: எட்டுக்குதிரைகள், பத்துகாசு

விதி 9: அப்படி, இப்படி, எப்படி ஆகிய சொற்களைத் தொடர்ந்து வல்லினம் மிகும்

               எ.கா.: அப்படிக்காட்டு, இப்படிச்செய், எப்படித்தெரியும்

விதி 10: திசைப்பெயர்களை அடுத்து வல்லினம் மிகும்

               எ.கா.: கிழக்குக்கடல், மேற்குத்திசை, வடக்குப்பக்கம், தெற்குத்திசை

விதி 11: அதற்கு, இதற்கு, எதற்கு என்ற சொற்களின் பின்னே வல்லினம் மிகும்.

                எ.கா.: அதற்குச்சொன்னேன், எதற்குத்தந்தாய், இதற்குக்கொடு

விதி 12: இனி, தனி ஆகிய சொற்களின் பின் வல்லினம் மிகும்

               எ.கா.: இனிக்காண்போம், தனிச்சிறப்பு

விதி 13: மிக என்னும் சொல்லின் பின் வல்லினம் மிகும்

                எ.கா.: மிகப்பெரியவர்

இந்த விதிகள் அனைத்தும்  உனக்கு நேரடியாகவே புரிந்திருக்கும் என்பதனால், உனக்கு நினைவில் வைப்பதும் சுலபம்.

அடுத்ததாகக் கீழ்க்கண்ட விதியினைப் பார்.

விதி 14: மகர மெய்யில் முடியும் சொல்லை அடுத்து வல்லினம் வந்தால், அந்த மகரமெய் கெட்டு அவ்விடத்தில் வல்லினம் மிகும்.

             எ.கா.: மரம் + சட்டம் = மரச்சட்டம்

இது ஒன்றும் பெரிய சூத்திரம் இல்லை நண்பா…. மகரமெய்யில் ( அதாவது ‘ம்’) முடியும் ஒரு சொல்லோடு வல்லினத்தில் தொடங்கும் ஒரு சொல் சேரும்போது, அந்த ‘ம்’ காணாமல் போய்விடும். அதன்பின் அந்த வல்லினத்திற்குரிய மெய்யெழுத்து மிகுந்து வரும்.

 எடுத்துக்காட்டினைப் பார் நண்பா. ‘மரம்’ என்பதில் உள்ள ‘ம்’ காணாமல் போய், ‘சட்டம்’ என்பதில் உள்ள ‘ச’ விற்கு இனமான ‘ச்’ தோன்றியுள்ளது.

அவ்வளவுதான்…

இன்றைய பாடம் உனக்கு மிக எளிமையாகவே இருந்திருக்கும் நண்பா…நாளை மீதம் உள்ள விதிகளைக் காண்போம். காத்திரு ……


Comments

Post a Comment

Popular posts from this blog

Preparing a book in Kindle direct publishing

-
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word...
Read more

உணவும் உணர்வும்

-
உணவு என்பது உணர்வு சம்பந்தப்பட்டதா ….. என்னைக் கேட்டால் ஆமாம் என்பேன். இந்த உணவைத்தான் நீ உண்ணத் தகுதியுடையவன், உண்ண வேண்டியவன்  எனத் திணிப்பதுவும் வன்முறைதான்….. சில நேரங்களில் சில சம்பவங்கள் நிகழும்போது அது நமக்குப் பல விசயங்களைச் சொல்லிப்போய்விடுகின்றது.  2010 அல்லது 2011ஆம் வருடம் என்று நினைக்கிறேன். எனது பணி நிமித்தமாக அடிக்கடி விழுப்புரம் சென்று தங்குவது வழக்கம். அப்போது விழுப்புரத்தில் எனக்கு இருந்த பெரும் பிரச்சினை சாப்பாடுதான். ஒன்றிரண்டு கடைகள் தவிர எங்கும் சாப்பிட முடியாது. பெரும்பாலும்  பேருந்து நிலையத்தின் எதிரில் இருந்த ஒரு உணவகத்தில்தான்  ( விலை கொஞ்சம் அதிகமென்றாலும்) சாப்பிடுவேன். ஒருநாள் காலை அந்த உணவகத்தின் சிறப்பான வெண்பொங்கலை ருசித்துக்கொண்டிருந்தேன்.  எனது எதிர் இருக்கையில் ஒரு நடுத்தர வயதுடைய தம்பதியினர் வந்து உட்கார்ந்தார்கள். கொஞ்சம் கிராமிய சாயல் கொண்ட மனிதர்கள். உட்கார்ந்தவுடன் கணவர் மனைவியிடம் இட்லி சாப்பிட்டுக்கலாம் என்றார். சரியென்று தலையசைத்த அந்தப் பெண்மணி நான் பொங்கல் சாப்பிடுவதைப் பார்த்தவர் மெதுவாகக் கணவரிடம் பொங்கல் வேண்டும் எ...
Read more

இலக்கணம் கற்போம்…. பிழைகளைத் தவிர்ப்போம் – தொடர் _நாள் 21

-
இருபத்தொன்று வல்லினம் மிகா இடங்களின் அடுத்தடுத்த விதிகளைப் பார்ப்போமா நண்பா…? விதி 6: இரண்டாம் வேற்றுமை உருபு (ஐ) மறைந்து வரும் இடங்களில் வல்லினம் மிகாது.      எ.கா.: குயில் போன்றவள் விதி 7: மூன்று, ஐந்து மற்றும் ஆறாம் வேற்றுமைத் தொடர்களில் வல்லினம் மிகாது      எ.கா.: அண்ணனோடு போ, மரத்திலிருந்து பறி, குரங்கினது குட்டி. பதினொன்றாம் நாள் பாடத்தில் எட்டு வேற்றுமைகளைப் பற்றியும் பார்த்தோம் அல்லவா…. மீண்டும் நினைவுக்குக் கொண்டு வா நண்பா. இரண்டாம் வேற்றுமை உருபான ‘ஐ’ வெளிப்படையாக வந்தால் வல்லினம் மிகும் என்று ஏற்கனவே பார்த்துள்ளோம். ஒருவேளை ‘ஐ’ மறைந்து வந்தால் அங்கு வல்லினம் மிகாது என்பது இங்கு விதி. குயில் போன்றவள் என்னும் போது வல்லினம் மிகவில்லை. குயிலைப் போன்றவள் என்னும்போது வல்லினம் மிகுந்து வரும் என்பதைக் கவனித்துக்கொள் நண்பா. மூன்றாம் வேற்றுமை உருபுகள் -   ஆல், ஆன், ஒடு, ஓடு, உடன் ஐந்தாம் வேற்றுமை உருபுகள் - இல் இன் ஆறாம் வேற்றுமை உருபுகள் - அது, ஆது, அ என்பதனை ஏற்கனவே பார்த்துள்ளோம். மீண்டும் நினைவு படுத்திக்கொள் ...
Read more