இலக்கணம் கற்போம்…. பிழைகளைத் தவிர்ப்போம் – தொடர்_ நாள் 12

-

பன்னிரண்டு

நேற்றைக்கு வேற்றுமை உருபுகள் பற்றிப் பார்த்தது அனைத்தும் நினைவில் உள்ளதா நண்பா…..?

இல்லயெனில் கண்களை மூடி மீண்டும் ஒருமுறை நினைவு படுத்திக்கொள்.

செய்து விட்டாயா…?

சரி இப்போதைக்கு இரண்டாம் வேற்றுமை மற்றும் நான்காம் வேற்றுமையினை மட்டும் ஞாபகம் செய்.

செய்துவிட்டாயா…?

வா… வல்லினம் மிகுதலின் அடுத்த இரண்டு விதிகளைப் பார்ப்போம்.

விதி4: இரண்டாம் வேற்றுமை உருபான ‘ஐ’ வெளிப்படையாக வரும் இடத்தில் வல்லினம் மிகும்

எ.கா.: அவனைப் பார்த்தேன்

விதி5: நான்காம் வேற்றுமை உருபான ‘கு’ வெளிப்படையாக வரும் இடத்தில் வல்லினம் மிகும்

எ.கா.: அவனுக்குத் தெரியும்

சரியா….?

இரண்டாம் வேற்றுமை உருபு ‘ஐ’ என உன் நினைவில் இருக்கும். அது ஆக்கல், அழித்தல், அடைதல், நீத்தல், ஒத்தல், உடைமை போன்ற பொருள்களில் வரும் என்பதும் உன் நினைவில் இருக்கும்.

சரிதானே …. இனி எங்கெல்லாம் ‘ஐ’ என்னும் இரண்டாம் வேற்றுமை உருபு வெளிப்படையாக வருகின்றதோ அங்கெல்லாம் மறக்காது ஒற்றினை இட்டு விடு…

அடுத்து நான்காம் வேற்றுமை உருபு ‘கு’ என உன் நினைவில் இருக்கும். அது கொடை, பகை, நட்பு, தகவு, அதுவாதல், பொருட்டு, முறை, எல்லை எனப் பலபொருட்களில் வரும் என்பதும் நினைவில் இருக்கும்.

இனி ‘ஐ’ யினைப் போலவே ‘கு’ என்னும் வேற்றுமை உருபும் எங்கெல்லாம் வெளிப்படையாக வருகின்றதோ அங்கெல்லாம் மறக்காது ஒற்றினை இட்டு விடு…

அவ்வளவுதான் நண்பா….

வா அடுத்த விதியினைப் பார்க்கலாம்.

விதி 6: ஆறாம் வேற்றுமைத் தொகையில் வல்லினம் மிகும்

  எ.கா.: புலித்தோல்

அது என்ன வேற்றுமைத்தொகை..?

ஒன்றும் குழப்பம் வேண்டாம் நண்பா….வேற்றுமை உருபுகள் வெளிப்படையாக வந்தால் அது வேற்றுமைத் தொகாநிலை  எனப்படும். வேற்றுமை உருபுகள் மறைந்து வந்தால், அது வேற்றுமைத்தொகை என அழைக்கப்படும்.

 விதி 4 மற்றும் 5 ல் உருபுகள் வெளிப்படையாக வரும் எனக்குறிப்பிட்டிருந்தோம் என்பதனைக் கவனி.

மாறாக இந்த விதி எண் ஆறில் உருபு மறைந்து வரும் என்பதனையும் கவனி.

எடுத்துக்காட்டினைப் பார்.

புலித்தோல். அதாவது புலியினது தோல். அது என்பது ஆறாம் வேற்றுமைக்கான உருபு என நேற்றுப் பார்த்தோம் அல்லவா…? அந்த உருபு இங்கே மறைந்து வருகின்றது. இவ்வாறு ஆறாம் வேற்றுமை உருபு  (அது, ஆது, அ) மறைந்து  வரும் வேளையில் வல்லினம் மிகும்.

புரிந்து கொண்டாயா….

அவ்வளவுதான் நண்பா…. சுலபமாக நீ ஆறு விதிகளைக் கற்றுக்கொண்டாய்.

இனி மீதமுள்ள விதிகளையும் ஒன்றன்பின் ஒன்றாய் இனிவரும் நாட்களில் பார்க்கலாம்…. காத்திரு ……


Comments

Post a Comment

Popular posts from this blog

இலக்கணம் கற்போம்…. பிழைகளைத் தவிர்ப்போம் – தொடர் _நாள் 21

-
இருபத்தொன்று வல்லினம் மிகா இடங்களின் அடுத்தடுத்த விதிகளைப் பார்ப்போமா நண்பா…? விதி 6: இரண்டாம் வேற்றுமை உருபு (ஐ) மறைந்து வரும் இடங்களில் வல்லினம் மிகாது.      எ.கா.: குயில் போன்றவள் விதி 7: மூன்று, ஐந்து மற்றும் ஆறாம் வேற்றுமைத் தொடர்களில் வல்லினம் மிகாது      எ.கா.: அண்ணனோடு போ, மரத்திலிருந்து பறி, குரங்கினது குட்டி. பதினொன்றாம் நாள் பாடத்தில் எட்டு வேற்றுமைகளைப் பற்றியும் பார்த்தோம் அல்லவா…. மீண்டும் நினைவுக்குக் கொண்டு வா நண்பா. இரண்டாம் வேற்றுமை உருபான ‘ஐ’ வெளிப்படையாக வந்தால் வல்லினம் மிகும் என்று ஏற்கனவே பார்த்துள்ளோம். ஒருவேளை ‘ஐ’ மறைந்து வந்தால் அங்கு வல்லினம் மிகாது என்பது இங்கு விதி. குயில் போன்றவள் என்னும் போது வல்லினம் மிகவில்லை. குயிலைப் போன்றவள் என்னும்போது வல்லினம் மிகுந்து வரும் என்பதைக் கவனித்துக்கொள் நண்பா. மூன்றாம் வேற்றுமை உருபுகள் -   ஆல், ஆன், ஒடு, ஓடு, உடன் ஐந்தாம் வேற்றுமை உருபுகள் - இல் இன் ஆறாம் வேற்றுமை உருபுகள் - அது, ஆது, அ என்பதனை ஏற்கனவே பார்த்துள்ளோம். மீண்டும் நினைவு படுத்திக்கொள் நண்பா…. இந்த வேற்றுமை உருபுகள் வெளிப்படையா
Read more

Preparing a book in Kindle direct publishing

-
Image
கிண்டிலில் புத்தகம் பதிவேற்றும்போது அது குறிப்பிட்ட சில வடிவங்களில் இருக்கும் புத்தகங்களை மட்டுமே அனுமதிக்கும். பொதுவாக அனைவரும் புத்தகங்களை word format ல் தயார் செய்து பதிவேற்றுவார்கள்.   இதில் உங்கள் புத்தகத்தின் தலைப்புகளை நேர் செய்வது, அத்தியாயம் பிரிப்பது போன்ற வேலைகளை கவனமாகச் செய்தல் வேண்டும். மேலும் கொஞ்சம் கால நேரம் எடுத்துக்கொள்ளும். இதற்கும் ஒரு சுலபமான வழியினை ஏற்படுத்திக் கொடுத்துள்ளார்கள். அது Kindle create /   KPF எனப்படும் Kindle Package format வசதி. உங்கள் Google browser ல் சென்று Kindle Create என அடித்துத்தேடினால் அமேசான் பக்கத்திற்குச் சென்று விடலாம். அதில் முதல் பக்கத்தில்    Kindle Create என்றும் அதன் கீழே Download fo PC என்றொரு சுட்டியும் இருக்கும். அதனைச் சுட்டினால் உங்கள் கணிணியில் நிறுவ வேண்டிய மென்பொருள் தரவிறக்கம் ஆகும். அந்த file னைத் திறந்து Run என்பதனை அழுத்தி அந்த மென்பொருளை நிறுவிக்கொள்ளவும். இப்போது உங்கள் கணிணியில் Kindle Create   என்பதன் Icon தெரியும். அடுத்த செயலுக்குச் செல்லும் முன்னால், உங்கள் புத்தகத்தினை word format ல் அடித்து தயாரா
Read more

இலக்கணம் கற்போம்…. பிழைகளைத் தவிர்ப்போம் – தொடர் _ நாள் 27

-
  இருபத்தேழு நண்பா இன்றைக்கு வாக்கியத்தில் வரும் சில முக்கியமான பிழைகள் குறித்துப் பார்க்கலாம் வா…. பொதுவாக நாம் அனைவருமே செய்யும் தவறு, அஃறிணைப் பொருட்களைக் குறிப்பிடுவதற்கு பயன்படவேண்டிய உருபுகளை உயர்திணைக்குப் பயன்படுத்துவது. உதாரணமாக, அது என்னும் உருபானது அஃறிணைக்கு உரியது. ஆனால் அதனை நாம் தவறுதலாக உயர்திணைக்குப் பயன்படுத்துவோம். எ.கா.: எனது மனைவி எனச் சொல்வது தவறு. என்னுடைய மனைவி என்று சொல்வதே சரி. அதே போன்று இந்த உருபினைப் பயன்படுத்தும்போது உயிரெழுத்தில் தொடங்கும் சொல்லுக்கு முன் அஃது என்றும், உயிர்மெய்யெழுத்தில் துவங்கும் சொல்லுக்கு முன் அது என்றும் பயன்படுத்தவேண்டும். எ.கா.: அஃது இங்கே உள்ளது, அது நன்றாக உள்ளது. இன்னொரு முக்கியமான தவறு, ஒருமைக்கான விகுதியினைப் பன்மைக்குப் பயன்படுத்துவது. இது, அனைவருமே தம்மையறியாமல் செய்யக்கூடும் பிழை நண்பா. உதாரணமாக, ‘பேருந்து நிலையத்தில் பேருந்துகள் நிற்கின்றது’ என எழுதினால் அது தவறல்லவா…? பேருந்துகள் என்று பன்மையில் வரும் வேளையில்,   நின்கின்றன என்றுதானே குறிப்பிட வேண்டும். எனவே ‘பேருந்து நிலையத்தில் பேருந்துகள் நிற்கின்றன’ என
Read more